প্ৰতি,
শ্ৰী মলিন মজুমদাৰ,
নাহৰলগুণ, অৰুণাচল প্ৰদেশ ।
শ্ৰী মলিন মজুমদাৰ,
নাহৰলগুণ, অৰুণাচল প্ৰদেশ ।
শ্ৰদ্ধাৰ দাদা ,
পোন প্ৰথমেই মোৰ মৰম আৰু শ্ৰদ্ধা গ্ৰহণ কৰিব । প্ৰথমেই এটা ভাল খবৰেৰে আৰম্ভ কৰো । ' অহা ইং ৩০ অক্টোবৰত গুৱাহাটী প্ৰেছ ক্লাবত মোৰ প্ৰথমখন পত্ৰ উপন্যাস 'শব্দৰ এলজোলাম: নৈঋতলৈ বুলি ' ৰ শুভ উন্মোচন আছে। ভাল খবৰ হলেও উগুল থুগুল মন এটাই অলপ চাপ বঢ়াইছে যেন লাগিছে । জীৱনৰ নতুন এটা প্লেটফৰ্মত মই ভৰি দিবলৈ ওলাইছো । নাজানো জীৱনৰ ৰেলে কি গতি লয় । আপোনালোকৰ প্ৰেৰণাতে ইমানখিনি ।
আপোনাৰ উপস্থিতিয়ে মোতকৈ বেছি সুখী কাকো নকৰিলেহেঁতেন যদিও জোৰ দিবলৈ বেয়া লাগিছে কাৰণ আপুনি বহুত দূৰত থাকে । কিন্তু এইফালে অহাৰ যদি কিবা প্লেন থাকে অলপ মিলাব পাৰে নেকি চাবচোন ।
আপোনালৈ এটা অনুৰোধ, অত্যধিক কৰ্মব্যস্ততাৰ মাজতো আপোনাৰ কলমৰ চিঞাহীৰে অনুভৱবোৰ নিগৰালে নথৈ আনন্দিত হ'ম । কাৰণ আপোনাৰ গল্পসমূহ অত্যন্ত বাস্তৱমুখী আৰু সাম্প্ৰতিক পৰিঘটনাৰে পৰিচালিত । যিবোৰে আমাৰ দৰে পঢ়ুৱৈক বহু চিন্তাৰ খোৰাক যোগায় ।
সদৌশেষত , ভগৱানৰ ওচৰত প্ৰাৰ্থনা জনালো যাতে আপোনাৰ লগতে আপোনাৰ পৰিয়ালৰ সকলোৱে ভালে থাকে ।
মৰমেৰে
আপোনাৰ ভন্টী
পাৰবীন
পাৰবীন
No comments:
Post a Comment