"থোৰতে" শিতানটি সজাব খুজিছোঁ লেখক/অভিযন্তা ঈশানজ্য়োতি বৰাৰ কথাৰে৷

সন্মানীয় সদস্যবৃন্দ,

নমস্কাৰ গ্ৰহণ কৰিব৷ আজিৰ "থোৰতে" শিতানটি সজাব খুজিছোঁ লেখক/অভিযন্তা ঈশানজ্য়োতি বৰাৰ কথাৰে৷ আহকচোন পঢ়ি চাওঁ ---

চুটিকৈ উত্তৰ দিয়ক --
প্ৰশ্ন: জীৱন?
উত্তৰ-মই এটা অনুপ্ৰেৰণাদায়ী জীৱনত বিশ্বাস কৰোঁ। জীৱন এনে এখন সুদৃশ্য মঞ্চ,য'ত আপুনি-মই যি ইচ্ছা তাকেই কৰিব পাৰোঁ, যেনেধৰণে ইচ্ছা কৰোঁ,তেনেকৈয়ে ভাও দিব পাৰোঁ। কিন্তু আপোনাৰ অভিনয় হ'ব লাগিব এনে শক্তিশালী,জোৰদাৰ আৰু বলিষ্ঠ-যাতে আপুনি মঞ্চ এৰি যোৱাৰ পিছতো,অভিনয় শেষ হোৱাৰ পিছতো দৰ্শকৰ ফালৰপৰা আহ্বান আহে-'once more।আকৌ এবাৰ।' দৰ্শকে যাতে আপোনাৰ নামটো পাহৰি গ'লেও আপোনাৰ কৰ্ম,চিন্তা আৰু সৃষ্টিক পাহৰি নাযায়। মই মোৰ জীৱনটোক তেনেদৰে গঢ় দিব বিচাৰোঁ।
প্ৰশ্ন:মৃত্যু?
উত্তৰ-জীৱনত উপলব্ধি কৰিবলগীয়া অন্তিম সত্যটো।
প্ৰশ্ন: প্ৰেম?
উত্তৰ- প্ৰাণ-প্ৰাচুৰ্যৰে পূৰ্ণ এক চৰ্তবিহীন সম্বন্ধ।
প্ৰশ্ন: শব্দ?
উত্তৰ-জুবিন গাৰ্গৰ 'শব্দ' গীতটোলৈ মনত পৰিছে। শব্দ মোৰ বাবে আশা,অনুপ্ৰেৰণা,প্ৰাৰ্থনা-সকলো। শব্দৰ ইতিবাচক আৰু জীৱনমুখী দিশটোৰ মই অনুগামী।
প্ৰশ্ন:-কলম?
উত্তৰ-জগত পোহৰ কৰাৰ এক উপযুক্ত আৰু শক্তিশালী মাধ্যম।
প্ৰশ্ন: আপোনাৰ বাবে ঈশান জ্যোতি বৰা ?
উত্তৰ-'বৰ্তমান'ৰ বাসিন্দা।

প্ৰশ্ন: আপোনাৰ জীৱনৰ এটি হাস্যমধুৰ মুহূৰ্ত?
উত্তৰ-ঢেৰ কাহিনী আছে। এটা কওঁ । অৰুণাচলত থাকোঁতে।
এদিন টিভি চাই চাই মাংসৰ জোল 'টেষ্ট' কৰি আছিলোঁ। তাৰপিছত বাতিটো বিচনাৰ তলত থৈ দিলোঁ। ভাবিলোঁ-যদি বাতিটো পাছত বিচনাৰ তলৰ পৰা আনিবলে' পাহৰি যাওঁ,বেয়া কথা হ'ব । এই ভাবি কৰিলোঁ কি, ম'বাইলটোত ৰিমাইণ্ডাৰ দি থ'লোঁ। লিখিলোঁ- "বিচনাৰ তলত বাতি এটা আছে"। হাহাহাঃ
এসময়ত এলাৰ্ম বাজিল আৰু বাতিটো বিচনাৰ তলৰ পৰা উলিয়াই আনিলোঁ। কথাটো মনত পৰিলে আজিও হাঁহি উঠে।

বহুত ধন্যবাদ ঈশান৷"থোৰতে" শিতানত ভাগ লোৱা বাবে....