চিঠিগোটৰ "থোৰতে" শিতান: মাৰ্চ,২০১৭

চিঠিগোটৰ "থোৰতে" শিতান: মাৰ্চ,২০১৭

সন্মানীয় সদস্যবৃন্দ,
নমস্কাৰ গ্ৰহণ কৰিব৷ এইবাৰ "থোৰতে" শিতানটি সজাব খুজিছোঁ কবি সুলেখিকা অনিতাগগৈ বাইদেউৰ কথাৰে৷আহকচোন পঢ়ি চাওঁ--

চুটিকৈ উত্তৰ দিয়ক --
প্ৰশ্ন: জীৱন?
অ.গ.: যজ্ঞ
প্ৰশ্ন:মৃত্যু?
অ.গ.: আহূতি
প্ৰশ্ন: প্ৰেম?
অ.গ.:আকাশ
প্ৰশ্ন: শব্দ?
অ.গ: প্রকাশ
প্ৰশ্ন:-কলম?
অ.গ: ডেউকা
প্ৰশ্ন: আপোনাৰ বাবে অনিতা গগৈ ?
অ.গ.:এটি জোনাকী

প্ৰশ্ন: আপোনাৰ জীৱনৰ এটি হাস্যমধুৰ মুহুৰ্ত
অ.গ: স্নাতক মহলাৰ চুড়ান্ত বৰ্ষৰ পৰীক্ষাত পাৰ্শ্ববিষয় বুৰঞ্জীৰ পৰীক্ষা । পৰীক্ষাৰ আগৰ বন্ধৰ কেইদিনত দিনে ৰাতি মুখস্থ কৰা পাঠ আওৰাই কলেজ কেম্পাছত সোমাইছোঁগৈ। পৰীক্ষা আৰম্ভ হ'বলৈ ৫ মিনিটমানহে বাকী আছে । পৰীক্ষা হ'ললৈ সোমাই যোৱা দীঘলীয়া কৰিডৰটোৰে পাৰ হৈ যোৱা সকলে দেখোন মোৰফালে আচৰিত হৈ চাই হাঁহিছে । মই বোলো লৰালৰিতে পিন্ধি যোৱা চুৰিদাৰযোৰ কিবা আনমেটচ্ হ'ল নেকি নে চেন্দেল দুযোৰৰ দুপাত পিন্ধিলোঁ নেকি ? -- নাই সকলোতো ঠিকেই আছে। খৰখোজেৰে গৈ হল পাই দেখিছোঁ , ইতিমধ্যে আমাৰ বিষয় শিক্ষক ' ছাৰ ' কোঠাত সোমাই আছে । সুধিলোঁ, ছাৰ সোমাব পাৰোঁনে ? ---- '' ওম । প্রথমে ছাতিটো বন্ধ কৰি লোৱা । বৰষুণ এৰিল । '' ইয়ে ...তাৰমানে ? কথা নাই বতৰা নাই ছাতিটো বাৰু কিহৰ বাবে খুলি লৈছিলোঁ বন্ধ কৰিডৰটোত ? ফিচিঙা ফিচিংকৈ আঁতৰি যোৱা মুখবোৰ মনলৈ আহিল। .. হলভৰ্তি পৰীক্ষাৰ্থী , ছাৰ সকলোৰে আগত কান মূৰ গৰম হৈ চকুৰ আগত ৰঙা নীলা বা্ল্ব জ্বলি থাকিল বহুপৰলৈ... ।
কৃষ্ণ ***